Қызылордада діни сауат ашу курсы жұмыс істей бастады

ҚЫЗЫЛОРДА. Шілденің 7-сі. ҚазАқпарат (Руслан Игілік) - Елімізде ел ертеңі жастарды иман­ды­лыққа тәрбиелеуге аса зор мән берілуде. Қызылорда қаласындағы «Ақмешіт-Сырда­рия» орталық мешітіндегі балалардың екі айлық жазғы діни сауат ашу курсы осының айғағы.
None
None

Мұнда сегіз жастан асқан әрбір жеткіншек ата-анасының өтінішімен курсқа жазыла алады. Қазіргі таңда аталмыш мешітте 100 ұлан діни сауатын ашуда. Оның 20-сы ауыл балалары. Шәкірттер жатын орынмен қамтамасыз етілген. Күніне 3 мезгіл тамақ беріледі. Оларға арнайы бөлінген 4 ұстаз дәріс оқиды.

- Біздің мақсатымыз - жастарды иман­дылыққа тәрбиелеу, қоғамдағы түрлі жат қы­лықтардан бойларын аулақ ұстауға, діни сауа­тының молаюына септігімізді тигізу. Мұнда келген балалар тек діни дәріс тыңдап қана қоймай, ұлттық спорттың түрлерімен шұғылданады. Бос уақыттарында «Еуразия» спорт кешеніне барады, - дейді найб-имам Нұрлан Әбжанов.

Биылғы жылы екінші рет ұйымдас­тырылып отырған бұл шараның негізгі қол­дау­шылары - «Ақмешіт-Сырдария» ор­талық мешіті мен қаржылай көмек көрсетіп отырған атпал аза­маттар көрінеді.

Соңғы жаңалықтар