Қызылордада «Елбасы кітапханасының ақпараттық ресурстары» аймақтық шарасы өтті

ҚЫЗЫЛОРДА. ҚазАқпарат - Қызылорда қаласындағы Ә.Тәжібаев атындағы ғылыми әмбебап кітапханасында «Елбасы кітапханасының ақпараттық ресурстары» атты аймақтық кәсіби сессия өтті, деп хабарлайды ҚазАқпарат тілшісі.

Аталмыш шара бүгін Қызылорда қаласында басталған Қазақстан Республикасының Тұңғыш Президенті - Елбасы кітапханасының «Н.Назарбаев: дәуір, тұлға, қоғам» атты көшпелі көрме жобасы аясында ұйымдастырылып отыр.

Кәсіби сесссия барысында мамандар қоғамдық сананы жаңғырту бағытында мәдени мұраны зерттеу мен насихатату саласы бойынша тәжірибе алмасты. Сондай-ақ, кітапхана, архив және музей қызметтеріндегі ақпараттық технологияларды дамыту мәселелері талқыланды.

Аталмыш шараға қатысушылар Елбасы кітапханасы қызметкерлерінің зерттеу жұмысы мен нәтижесімен танысты.

Жұртшылық алдында Қазақстан Республиксы Тұңғыш Президенті - Елбасы кітапханасы директорының орынбасары Күләйша Ақтаева кітапханасы атқаратын қызметтер жайында әңгімеледі.

«Бір жәдігердің тарихы», «Музей коллекциялары» жобасын қамтитын «Музей жинақтары» атты ғылыми-қор музейтану бағдарламасы әзірленгені аталып өтті. Аталмыш іс шара open space түрінде ұйымдастырылды.