Қызылордада еркін күрестен кадеттер арасында Қазақстан чемпионаты өтті
Желтоқсанның 10-11 күндері Қызылордадағы «Еуразия» спорт кешеніде өткен бұл дүбірлі додаға республиканың түкпір-түкпірінен 240 балуан қатысқан болатын. Онда бейресми командалық есепте қарағандылықтардың мерейі үстем болды. Олардан 1 алтыны кем оңтүстікқазақстандықтар екінші орны алды. Ал алматылық, астаналық және павлодарлық балуандар жеңістің биік тұғырына бір-бір реттен көтерілді. Атап айтқанда қарағандылықтардан Жавохир Иристаев (32 кг), Мұхамбет Қуанбек (47 кг), Зулфикар Махамадов (59 кг) пен Шамиль Муртазов (85 кг), оңтүстікқазақстандықтардан Нұржан Сейітжан (38 кг), Асхат Айдархан (53 кг) пен Хамит Әлімжан (66 кг) астаналықтардан Дулат Нұрғожа (35 кг), алматылықтардан Әділет Алтаев (73 кг), павлодарлықтардан Рифат Сайботалов (42 кг) ел чемпионы атанды.