Қызылордада оқушыны мектепке дайындауға қанша қаражат кетеді

ҚЫЗЫЛОРДА. ҚазАқпарат – Алда жаңа оқу жылы жақындап келеді. Жұртшылық мектеп жсындағы балаларын мектепке дайындауға көңіл бөліп отыр. Қызылорда қаласында оқушыны мектепке дайындауға қанша теңге кетеді? ҚазАқпарат тілшісі шолу жасап көрді.

Жергілікті тұрғындар оқушыларға киім, оқу құралдарын арнайы сауда үйлері мен базардан сатып алады.

Қызылордалықтар ұл балаға костюм-шалбарды 15-20 мың, жейдені 3 мың, галстукты 500, күртешені – 15-20 мың, туфлиді – 6-15 мың теңгеге алса, футболкаға – 2-3 мың, спорттық киімге – 8-12 мың, спорттық аяқ киімге 6-10 мың теңге жұмсайды.

Жиынтық сома – 55,5 - 80 мың теңге;

Ал қыз балаға пиджак пен белдемше (комплект) 12-15 мың, көйлек – 3-4 мың, сарафан – 7-8 мың, туфли – 7-8 мың, бантик – 500-800, футболка – 2,5 мың, спорттық киім – 8-12 мың, спорттық аяқ киім – 6 мың, ақ колготки 1,5-2 мың теңге тұрады. Жиынтық сома – 47,5- 58,3 мың теңге;

Қызылордада кеңсе тауарларының бағасы төмендігіше: сөмке 3-10 мың теңге тұрса, қаламсап – 30-60, қарындаш – 40-50, өшіргіш – 40-50, жұмсақ пенал – 500, ұштағыш – 60-70, сызғыш – 70-120, тор көзді дәптер – 20-30, қисық жол дәптер – 20-30, кітапқа арналған қаптағыш – 150, мұқабасы қатты күнделік – 400-800, дәптерге арналған қаптағыш – 85-100, акварель бояулар – (12 түс) – 450-550, қылқалам жиынтығы – 450-850.

Түрлі түсті қарындаш (12 түс) – 450-795, сурет салуға арналған альбом (20 бет) – 300-400, фломастер (12 түс) – 700-800, қайшы – 250-350, желім – 250, түрлі-түсті қағаз (8 түс) – 200-400, ермексаз (8 түс) – 600-750 теңге.

Еске салсақ, бұдан бұрын өскемендік ата-ана баласын мектепке дайындау үшін қанша теңге жұмсайтыны жайында жазған едік.