Қызылордада табиғат қорғау прокуратурасы заң бұзушылықтарға жол бергендерге 1 028 000 теңгенің айыппұлын салды

ҚЫЗЫЛОРДА. Маусымның 15-і. ҚазАқпарат /Руслан Игілік/ - Қызылорда табиғат қорғау про­куратурасы қала аумағында өнеркәсіп және тұтыну қалдықтарын орна­ластыру, кәдеге жарату және сақтау жөніндегі заңнаманың сақталуына рейдтік тексеру жүргізіп,

8 табиғат пайдаланушылардың Экологиялық кодекс талаптарын өрескел бұз­ғандығын анықтады.

Заң бұзушылыққа жол берген «Құрылыс компаниясы «Энергия» ЖШС, «Жолқұрылыс» ЖШС, «Югсан­техмонтаж» АҚ-ның Қызылорда фи­лиалы, «Дәнекер ҚК» ЖШС, «Арнайыав­тотранс» ЖШС және «Элмо» АҚ-ның Қызылорда филиалына қатысты 16 әкімшілік құқық бұзушылық өндірісі қозғалып, жалпы көлемі 1 028 035 теңге мөлшерінде әкімшілік айып­пұлдар салынды.

Есепті мерзімде Қызылорда та­биғат қорғау прокуратурасына жеке тұлғалардан түскен 8 өтініш қаралып, оның 6-уы шешілді. Заңды тұл­ғалардың 18 өтініші қаралып, оның 10-ы шешілген. 7 өтініш шешу рет­тілігіне сәйкес басқа ведомстволарға жолданған.