Қызылордада телекөпірге дайындық қызу жүргізілуде

ҚЫЗЫЛОРДА. Маусымның 23-і. ҚазАқпарат /Руслан Игілік/ - Маусымның 28-і күні өтетін телекөпір кезінде Қызылорда облысы «ҚазГерМұнай» біріккен кәсіпорнының жалпы құны 10,3 млрд. тең­гені құрайтын «Газды тиімді пайда­лану кешенінің 2-ші кезегінің құрылысы» жобасы таныстырылатын болады.

Ал «Автомобиль жолдары басқармасы» ЖШС-нің «Битум шығару зауытының құрылысы» резервте тұр.

Қазір телекөпірге дайындық шараларының жоспары және жауапты адамдар бекітілген. Әзірге белгіленген жұмыстар уақытылы орындалуда. Оған дейін спутниктік теледидар стансысы жеткізіліп, орналастырылады. Қазіргі таңда «Хабар» агенттігі мен «Қазақстан» ҰТК аймақтағы 6 индус­триялық жоба бойынша бейнероликтер дайындап үлгерді. Олардың қатарында жоғарыда аталған жобалармен қатар «БИС», «Тасбұлақ», «Шалқия Неруд» және «УАД» жауапкершілігі шектеулі серіктестіктерінің мұнай қалдықтарын өңдеу, сондай-ақ қиыр­шық тас өндірісі секілді жобалары бар. Сонымен қатар телекөпір кезінде «РЗА» АҚ-ның «Та­уар­лы-сүт фермасының құрылысы» және «Батыс Еуропа - Батыс Қытай» ме­гажобасы бойынша камералар орна­ластырылады. Телекөпірде көрсеті­ле­тін жобалардың барлығы да мемле­кеттік сараптаудан өтуі тиіс.