13:47, 13 Шілде 2010 | GMT +5
Қызылордалық мүгедек спортшылар шаршы тақта үстінде бәсекелесті
ҚЫЗЫЛОРДА. Шілденің 13-і. ҚазАқпарат /Руслан Игілік/ - М.Мәметова атындағы Қызылорда гуманитарлық колледжінде спортшы мүгедектер арасында шахмат пен дойбыдан турнирлер болып өтті.

Тартысты өткен шахмат бәсекесінде бірінші орынды Наймантай Әуезбаев жеңіп алды. Дойбыдан ересектер арасында Арайлым Шонабаева алдына жан салмады. Ал балалар арасындағы сайыста Сексенбай Сейфулла бас жүлдені еншіледі.
Жарыс жеңімпаздары бағалы сыйлықтармен марапатталып, республикалық турнирге жолдама алды.