Қызылордалық таеквондошылар ел чемпионатынан 15 жүлдені иеленді (ФОТО)

None
None
ҚЫЗЫЛОРДА. ҚазАқпарат - Қостанайда таеквондодан кадеттер арасында өткен Қазақстан Республикасының чемпионатында қызылордалық спортшылар 15 жүлдені (3 алтын, 4 күміс, 8 қола) иеленді. Бұл туралы облыстық дене шынықтыру және спорт басқармасының баспасөз қызметі хабарлады.

Жекелей есепте Сымбат Мұханбетқали (51 келі, спорт интернат), Арман Жарылқасынов (53 келі, Байқоңыр қ.), Айнара Жеткергенова (59 келі, №11 Сырдария БЖСМ) ел чемпиондары атанды.

Жәния Әмірхан, Әзиз Сұлтанов, Аружан Әбдіқадыр, Ақдәулет Қожахмет күміс жүлдеге ие болса, Әсел Қуандыққызы, Диас Шанжархан, Ернұр Алтынбек, Ғабит Ертай, Құдайменді Рысбек, Айым Тоғман, Гүлмира Сахитова, Самат Болатбаев чемпионаттың қола жүлдесін еншіледі.

Жеңімпаз атанған 3 спортшы тамыз айында Кореяның Муджу қаласында болатын Азия чемпионатына қатысады.
null null null null null null null null

Соңғы жаңалықтар