Лас-Вегаста Tesla Cybertruck жарылысы: жүргізушінің жазбалары табылды

АСТАНА. KAZINFORM — «Бұл теракт емес, оянуға шақыру», — делінген Мэттью Алан Ливелсбергердің жазбасында, деп хабарлайды Kazinform Anadolu Ajansı-ға сілтеме жасап. 

Лас-Вегастағы Дональд Трамп қонақүйінің алдында жарылған Tesla көлігінің жүргізушісі өз жазбаларында бұл оқиғаны «оянуға үндеу» деп атады.

АҚШ армиясының бұрынғы сарбазы өз жазбаларында «ойын жоғалтқан жолдастарынан тазартып, қор қылған өмірлердің салмағынан арылу керек» деп жазды. 

— Бұл теракт емес, оянуға шақыру. Америкалықтар наразылықтар мен зорлық-зомбылыққа ғана мән береді. Жарылғыш затты қолдану арқылы өз ойымды жеткізуден басқа қандай жақсы әдіс бар?, — делінген оның телефонындағы жазбалардың бірінде.

Сондай-ақ, жазбаларда АҚШ «өліммен ауырып, күйреуге бет алғаны» атап өтілді, ал жекелеген жазбаларда Украинадағы соғыс туралы да айтылды.

Федералдық тергеу бюросының (FBI) өкілі Спенсер Эванс «оқиға жария және сенсациялық болып көрінгенімен, бұл жарақаттан кейінгі стрестен зардап шеккен адамның өз-өзіне қол жұмсауы сияқты көрінеді» деді.

Еске сала кетсек, АҚШ-та Дональд Трамптың қонақүйінің жанында Tesla өртке оранды. 

Кейінірек АҚШ барлау агенттіктері Жаңа Орлеандағы теракт пен Cybertruck жарылысының байланысын зерттеп жатқаны хабарланды.

Күдікті Колорадо штатыда тұратын 37 жастағы армия ардагері Мэттью Ливельсбергер болып шықты.