Лев Черепанов ашық суда жүзуден Азия чемпионатында қола жүлдеге қол жеткізді

АСТАНА. KAZINFORM – Қазақстанның ашық суда жүзу командасының өкілі Лев Черепанов Гонконг қаласында өткен Азия чемпионатында қола жүлде еншіледі. 

Ұлттық олимпиадалық комитеттің хабарлауынша, қазақстандық спортшы 10 шақырымдық жүзуде үшінші орын алып, ел қоржынына қола медаль салған. 

Айта кетсек, Азия чемпионаты 10 қарашаға дейін жалғасады. Турнирде еліміздің атынан 6 спортшы бақ сынап жатыр. 

Еске сала кетейік, бұған дейін жүзуден Алматыда өткен ел біріншілігінде Қазақстан рекорды жаңарғанын жазған едік. Сондай-ақ Сингапурдегі жүзуден әлем кубогының бірінші кезеңінде отандастарымыз сәтті өнер көрсетіп, екі бірдей рекорд орнатты.