Лисаков тұрғыны балконнан секіріп кетті

ҚОСТАНАЙ. ҚазАқпарат - Лисаков қаласының 32 жастағы тұрғыны үшінші қабаттан секіріп кетті, деп хабарлайды ҚазАқпарат.

Ақпаратты облыстық полиция департаментінің баспасөз хатшысы Ирина Беженарь растады.

«Кеше күндізгі сағат 12:00-де Лисаков қаласының полиция басқармасына жергілікті тұрғынынан хабар келіп түсті. Әйел адам психиатрдың бақылауына алынған баласының 3 қабаттағы балконынан секіріп кеткенін айтқан», - деді Ирина Беженарь.

Жедел-жәрдем қызметі балконнан секіріп кеткен 32 жастағы ер адамды ауруханаға жеткізді.

Қазіргі уақытта оқиғаға қатысты тергеу амалдары жүргізіліп жатыр.