Лондонда қарақшылар тобы Apple фирмалық дүкеніне шабуыл жасады
АСТАНА. ҚазАқпарат - Лондонда бес мопедке мінген он тонаушы Apple-дің фирмалық дүкеніне шабуыл жасаған. Бұл туралы Evening Standard хабарлайды.
Оқиға таңертеңгі уақытта болған. Қарақшылар дүкеннің Риджент көшесі жағындағы алдыңғы әйнекті есіктерін шағып, ішіне кірген. Ішінде болған екі күзетші шабуылшыларға тосқауыл болуға әрекет етті.
Олар дүкенде сатылатын фирмалық техникаларды жымқырған. онаушылардың біріне тиесілі скутерлердің бірі оқиға орнында қалып қойған.
Құқық қорғау органдары бақылау камераларындағы жазбаларды тексеріп, қарақшыларды іздестіруде.
