Лондондағы Тауэр көпірі бірнеше сағатқа жабылып, жол қозғалысында тежеліс туындады

АСТАНА. KAZINFORM – Ұлыбританияның астанасындағы Тауэр көпірінің бірнеше сағатқа жабылуына жол-көлік оқиғасы себеп болған. 

Оқиға орнынан түсірілген суреттерден полиция және жедел жәрдем көлігін көруге болады. Жолдың жабылуына байланысты бірнеше автобустың бағыты өзгертілді.

Куәгерлердің бірі Тули көшесінде кептеліс пайда болғанын, қозғалыс қиындағанын, оның үстіне оқиғаны бақылаған жаяу жүргіншілер легінің артқанын айтты.

Полиция мәліметінше, көлік жүргізушісі жаяу жүргіншіні қағып кеткен. Зардап шеккен әйел ауруханаға жеткізілген. Төтенше жағдайлар қызметінің жұмысы үшін жол уақытша жабылып, сағат 20.00-ге қарай Тауэр-Бридж-роуд үстіндегі көлік қозғалысы қалпына келтірілді.