Лондондағы теракт құрбандарын еске алу: Эйфель мұнарасының жарығы сөндірілді
АСТАНА. ҚазАқпарат - Париждегі Эйфель мұнарасының жарығы Ұлыбритания астанасындағы теракт құрбандарын еске алу үшін сөндірілді.
Бұл туралы NBC хабарлайды. Бұдан бұрын, Франция СІМ басшысы Жан-Ив Ле Дрианның осы оқиғаға байланысты Лондонға баратындығы хабарланған болатын.
4 маусымға қараған түні Ұлыбритания астанасының орталығындағы Лондон көпірінде автомобиль жүргіншілерді басып кеткен еді. Кейінірек бұдан өзге Боро-Маркетеде де тағы бір оқиға болғандығы анықталды. Екі шабуыл да терактіге жатқызылды. Кем дегенде алты адам қаза тапты.
