Мағжан Шамшадин Qazagstan Barysy Grand Slam турнирінің финалына шықты

АСТАНА. ҚазАқпарат – Қазақстандық Мағжан Шамшадин Астанада өтіп жатқан Qazagstan Barysy Grand Slam турнирінің финалына шықты, деп хабарлайды ҚазАқпарат тілшісі.

Жарыстың алғашқы күні Мағжан 60 келіге дейінгі салмақта сәтті күресті.

Ол жартылай финалда тәжікстандық Михрзод Суфиевпен татамиге шықты. Тартысты өткен белдесуде қазақстандық дзюдошы қосымша уақытта айласын асырып кетті.

Тағы бір қазақстандық Ғұсман Қырғызбаев та 66 келіге дейінгі салмақта финалға шығу үшін таласады.

Әйелдер арасында Ғалия Тынбаева 48 келіге дейінгі салмақта қола жүлде үшін күреседі.

Еске сала кетейік, бұдан бұрын Әбиба Әбужақынованың Qazagstan Barysy Grand Slam турниріне қатыспайтынын жазған болатынбыз.