Махатма Гандидің түрмедегі ұршығы бәссаудаға шығарылды

АСТАНА. 6 қараша. ҚазАқпарат - Махатма Гандидің ұршығы Ұлбританияда бәссаудаға шығарылды.

ВВС хабарлағандай, 1930 жылдардың басында Британия билігіне бой ұсынбағаны үшін қамалған Ганди Пунадағы түрмеде отырған кезінде осы ұршықпен өз киімдеріне қажетті жіптерді иірген.

Ұршық кем дегенде жүз мың долларға сатылады деп күтілуде.

Саудаға Гандимен байланысты 60-қа жуық заттар қойылды.