Махмұт Сабырхан Астанадағы Elorda Cup турнирінің финалына шықты

АСТАНА. ҚазАқпарат – Астанада өтіп жатқан бокстан «Elorda Cup» халықаралық турнирінің жартылай финалында 57 келіге дейінгі салмақ дәрежесінде боксшы Махмұд Сабырхан Серік Теміржановтан басым түсті, деп хабарлайды ҚазАқпарат Sports.kz порталына сілтеме жасап.

«Қазақстандық Ломаченко» деген атпен танылған 2023 жылғы әлем чемпионы Махмұд Сабырхан рингте 2021 жылғы әлем чемпионатының және 2022 жылғы Азия чемпионатының күміс жүлдегері Серік Теміржановпен кездесті. Қайта-қайта соққы алмасып, қарқынды өткен жекпе-жекте Махмұд Сабырхан 4:1 есебімен жеңіске жетті.

Бұған дейін бокстан Қазақстан құрамасының тағы бір көшбасшысы Сәкен Бибосынов (51 кг) финалға жолдама алған болатын.

«Елорда кубогінің» финал ойындары 2 шілде күні өтеді.