Малайзияда әскери-теңіз күштерінің екі тікұшағы соқтығысып, 10 адам қаза тапты
АСТАНА. KAZINFORM – Малайзия Әскери-теңіз күштерінің екі тікұшағы әскери парадқа дайындық кезінде соқтығысып, борттағы барлық 10 экипаж мүшесі қаза тапты, деп хабарлады BBC.
Жергілікті БАҚ жариялаған кадрлардан жерге құламас тікұшақтардың қалай соқтығысқанын көруге болады.
Оқиға жергілікті уақыт бойынша сағат 09:30-да Малайзия корольдік әскери-теңіз күштерінің базасы орналасқан Лумут қаласында болған.
Тірі қалғандар табылмады.
«Зардап шеккендердің барлығы оқиға орнында қаза тапты, деп жарияланды, кейбірін анықтау үшін әскери госпитальға жіберілді», - делінген Малайзия корольдік әскери-теңіз күштерінің мәлімдемесінде.
Оқиғаның себептерін анықтау үшін комиссия құрылды.
Тікұшақтардың бірі, бортында жеті жолаушысы бар HOME 503-3 тағы үш жолаушысы бар Fennec M502-6 тікұшағына соғылды деген болжам бар.
Наурыз айында Малайзиядағы Ангса аралында оқу-жаттығу кезінде Малайзия жағалау күзетінің тікұшағы теңізге құлаған. Ол жолы екі ұшқыш пен борттағы екі жолаушыны балықшылар тауып алып, құтқарып алған еді.
