Мамырда еліміз бойынша киік санағы жүреді - Комитет

АСТАНА. KAZINFORM – Экология және табиғи ресурстар министрлігінің Орман шаруашылығы және жануарлар дүниесі комитеті төрағасының міндетін атқарушы Данияр Тұрғамбаев киік атудың келесі кезеңі қашан басталатынын айтты.

«Ол биологиялық негіздеме жазылады. Негіздемені ғылыми мекемелер жасайды. Сол кезде мерзімі, мезгілі анықталады», - деді министрлік өкілі.

БАҚ өкілі бұл кезең жылдың қай мезгіліне дөп келуі мүмкін екенін сұрады. 

«Енді сол, биыл, маусым-шілде айларына дейін негіздеме дайын болуы керек. Санақтан кейін ғой. Мамыр айында санақ өтеді. Сол санақ қорытындысы бойынша дайындалады», - деді Данияр Тұрғамбаев.