Мәнерлеп сырғанаушы Софья Самоделкина Бостондағы турнирде өнер көрсетті

АСТАНА. KAZINFORM – Бостон (АҚШ) қаласында мәнерлеп сырғанаудан әлем чемпионаты басталды. Бұл туралы ҰОК хабарлады. 

Турнир аясында әйелдер арасындағы жекелей сырғанаудан қысқа бағдарлама жарыстары өтті.

Бұл бағдарламада ел намысын Софья Самоделкина қорғады.

Спортшы өз өнері үшін 63,58 ұпай жинап, аралық есепте 13-орынға жайғасты.

Көш басында – АҚШ өкілі Алиса Лью (74,58 ұпай).

Еркін бағдарлама 29 наурызға қараған түні өтеді.

27 наурызда, жарысқа ерлер қатысады. Қазақстан атынан Михаил Шайдоров өнер көрсетеді. Қысқа бағдарлама жарыстары Астана уақытымен 20:05-те басталады.

Еске сала кетейік, бұған дейін елордалық көркем гимнасшылар байрақты бәсекеде топ жарғанын жазған едік.