Маңғыстау облысында жол жабылды

АСТАНА. KAZINFORM – ҚазАвтоЖол Маңғыстау облысында көлік қозғалысына шектеу қойылғанын хабарлады.

– 2026 жылғы 5 ақпан сағат 00:00-де ауа райының бұзылуына байланысты республикалық маңызы бар «Бейнеу – Ақжігіт – Өзбекстан Республикасы шекарасы» автожолының 0-85 шақырым аралығындағы учаскесінде барлық көлік түрінің қозғалысына шектеу қойылады, - делінген хабарламада.

Жолды 2026 жылғы 5 ақпан сағат 12:00-де ашу жоспарланған.

Бұған дейін екі облыстағы жолдарда ауа райына байланысты шектеу енгізілгенін жазған едік.

9 ақпаннан Астана – Павлодар автобанында жылдамдық режимі төмендетіледі.