Маңғыстауда 16 мың бала мектеп табалдырығын аттайды

None
None
АҚТАУ. ҚазАқпарат - Маңғыстау облысында жаңа 2017-2018 оқу жылында 16 мың бала бірінші сыныпқа барады. Былтырғы оқу жылы да осынша бала мектеп табалдырығын аттаған, деп хабарлайды «ҚазАқпарат» ХАА тілшісі.

«Ақтау қаласындағы орта білім беру мекемелеріне 4 500, Бейнеу ауданында - 1 675, Жаңаөзен қаласында - 3 570, Қарақия ауданы мектептерінде 960 және Маңғыстау ауданында 970 бала мектеп табалдырығын аттағалы отыр. Мұнайлы ауданындағы мектептерге 3 450, Түпқараған ауданында 865 баланың ата-анасы өтініш білдірді», - деді Маңғыстау облыстық білім басқармасының баспасөз хатшысы Ботагөз Қазбекова.

Оның айтуынша, оқушылар оқулықтар және оқу-әдістемелік құралдарымен 100 пайыз қамтамасыз етілетін болады.

2016-2017  оқу жылдарында мемлекеттік грант иеленушілер саны екі есеге артқан. Былтырғы оқу жылында грант иеленушілер саны  542 адамды құраса, биылғы жылы бұл көрсеткіш 1 053-ке жеткен. 

Соңғы жаңалықтар
telegram