Маңғыстауда денсаулық сақтау басқармасының бұрынғы басшысы босатылды
Бұл ақпаратты тілшімізге Маңғыстау облыстық соты мәлімдеді.
«Шын мәнісінде қалалық сотта оның босату туралы өтініші қаралды, ол жазасын өтеу мерзімін қызы кәмелеттік жасқа толғанша кейінге қалдыруды сұраған. Қызы қазір 17 жаста. Демек, жаза мерзімі шамамен жарты жылға кейінге шегеріледі», - деді сот қызметкерлері.
Айта кетейік, Марал Қадыр - Маңғыстау облысы денсаулық сақтау басқармасының бұрынғы басшысы. Сотта оның өзінің қоластындағылардан ақша бопсалағандығы туралы 4 оқиға дәлелденді, 5 мамыр күні Атырау қалалық соты оған мүлкін тәркілей отырып, 7 жылға бас бостандығынан айыру жазасын кесті.
Айыпталушының кәмелетке толмаған қызы болғандықтан, сот үкімі жеңілдететін мән-жайлар есебімен шығарылды. 14 шілде күні сот алқасында Маңғыстау облыстық сотының үкіміне өзгеріс енгізіліп, оған 5 жылға бас бостандығынан айыру жазасы тағайындалды. Ол айыптаудың барлық тармақтары бойынша кінәлі деп танылды. Қылмыстық жазалау мен жеке мүлкін тәркілеуден басқа сотталушы өмір бойы белгіленген қызметтерді атқару құқығынан айырылды.