Маңғыстауда сайлау күні 39 нәресте дүние есігін ашты

АҚТАУ. ҚазАқпарат - Маңғыстауда 20 қараша - кезектен тыс сайлау күні 39 бала дүниеге келді. Бұл туралы Маңғыстау облыстық денсаулық сақтау басқармасының баспасөз қызметі мәлім етті, деп хабарлайды ҚазАқпарат тілшісі.

«39 сәбидің 21-і ер бала, 18-і қыз. Оның ішінде ең төмен салмақтағы сәби - 2 520 грамм, ең ауыр салмақта туғаны 3 880 грамм болды. Ел үшін тарихи маңызды күні туған сәбилердің жағдайы жақсы, дәрігерлердің бақылауында» делінген баспасөз мәліметінде.

Айта кету керек, облыста сайлаудың алғашқы сағаттарында 16 нәресте дүниеге келген. Оның бесеуі - ұл және он бірінің қыз екенін жазған едік.

Жалпы, сайлау күні Қазақсан бойынша 634 бала өмірге келді.