Марин Томасовтың үш голы «Астанаға» жеңіс сыйлады

АСТАНА. KAZINFORM - Елордалық «Астана» футбол клубы Қазақстан Премьер-лигасының үшінші турында талдықорғандық «Жеңіс» командасынан басым түсті.

Кездесу барысында астаналық клуб ойын тізгінін қолға алуға тырысты. Команда капитаны Марин Томасовтың белсенділігі байқалып тұрды. 37 жастағы хорватиялық футболшы қарсылас клубтың қорғаушыларын жиі мазалады. 

Ол алдымен 13-минутта есеп ашса, одан кейін 45, 63-минутта мергендік танытты. Осылайша елордалық клуб қарсыласынан 3:0 есебімен басым түсті.

Сондай-ақ бүгін «Ақтөбе» сырт алаңда «Атырауды» 4:0 есебімен тас-талқан етіп жеңсе, «Ұлытау» мен «Жеңіс» (Астана) 1:1 есебіне қанағат білдірді.

Бірінші кезеңнен кейін «Ордабасы» (Шымкент) мен «Қызылжар» ((Петропавл) 0:0 есебімен тең түсіп жатыр.

Үшінші турды «Тобыл» (Қостанай) мен «Елімай» (Семей) командалары түйіндейді.

Аталған турдың алғашқы ойын күні, 29 наурызда «Қайрат» сырт алаңда түркістандық «Тұранды» 2:1 есебімен тізе бүктірсе, «Қайсар» (Қызылорда) мен «Оқжетпес» (Көкшетау) 2:2 есебіне қанағат білдірді.