Маск: Миында Neuralink чипі бар науқас компьютер тышқанының курсорын жылжытуды үйренді

Илон Масктың Neuralink компаниясы қаңтар айында алғашқы науқастың миына чип енгізді. Оның айтуынша, науқас қазір компьютер тышқанының курсорын ой күшімен жылжыта алады, енді батырмасын басуды үйреніп жатыр, деп жазады Euronews.

АҚШ-тың Азық-түлік және дәрі-дәрмек басқармасы (FDA) өткен жылдың мамыр айында компанияның алғашқы сынақтарын мақұлдады.

Процедура мидың қозғалысты басқаратын бөлігіне 64 икемді жіп енгізуді қамтыды. Бұл жіп тәрізді электродтар өте жұқа, сондықтан оларды робот орналастырды. Олар имплантқа ми сигналдарын жазуға және қолданбаға жіберуге мүмкіндік береді, содан кейін адамның ойын оқу арқылы қозғалысын меңгереді.

Қаңтарда Илон Маск Neuralink-тің алғашқы өнімі Telepathy деп аталатынын және «телефонды, компьютерді олар арқылы кез-келген құрылғыны жай ғана ойлау арқылы басқаруға» мүмкіндік беретінін және «оның алғашқы пайдаланушылары мүмкіндігі шектеулі жандар болатынын» мәлімдеді.