Мәскеу мен Вашингтон арасындағы келіссөздер келесі аптаның басында өтуі мүмкін
АСТАНА. KAZINFORM – РФ президентінің баспасөз хатшысы Дмитрий Песковтың айтуынша, Ресей мен АҚШ арасындағы келіссөздер Сауд Арабиясында келесі аптаның басында өтуі мүмкін, деп хабарлайды Kazinform агенттігінің тілшісі.
Ресей және америкалық делегациялар арасындағы Сауд Арабиясындағы алдағы келіссөздер туралы сұраққа жауап берген Дмитрий Песков «Бұл дәл жексенбі күні өтпеуі мүмкін, қазір соңғы нюанстар келісіліп жатыр» деп мәлімдеді.
Оның айтуынша, Кремль келіссөздерге Ресей тарапынан кім қатысатыны туралы уақтылы хабарлайды.
Тараптар, соның ішінде, астық келісімін қайта жандандыру мәселесін талқылайды.
Еске сала кетейік, сейсенбі күні Ресей мен АҚШ басшылары телефон арқылы сөйлесті. Тараптар Украинадағы барлық энергетикалық және инфрақұрылымдық мәселелер бойынша «тез арада атысты тоқтату» туралы келісімге келді.
Кейіннен әлемдік көшбасшылар Трамп пен Путин арасындағы келіссөздердің нәтижесін талқылады. Сондай-ақ Қазақстан Президенті Қасым-Жомарт Тоқаев телефон арқылы өткен келіссөздердің қорытындысын құптайтыны хабарланды.
