Мәскеу Пасха мерекесіне орай уақытша бітім жариялады

МӘСКЕУ. KAZINFORM - Ресей Федерациясының президенті Владимир Путиннің шешімімен, жақындап келе жатқан православие мерекесі — Пасхаға (Христостың қайта тірілуі) байланысты 2026 жылғы 11 сәуір сағат 16:00-ден бастап 12 сәуір күнінің соңына дейін бітім жарияланды, деп хабарлайды агенттік тілшісі Кремльдің ресми сайтына сілтеме жасап.

Хабарламада РФ Қорғаныс министрі А.Белоусовке және РФ ҚК Бас штабының бастығы В.Герасимовке осы кезеңде барлық бағыттар бойынша әскери іс-қимылдарды тоқтату туралы нұсқау берілгені айтылған.

Сондай-ақ Ресей тарапы Украина да осы үлгіні ұстанады деп күтетінін мәлімдеді.

Бұған дейін Украина АҚШ-та келіссөздер жүргізетіні хабарланған.