Мәскеудегі сауда орталығында Өзбекстан азаматы серігін пышақтап тастады
Мәскеудің солтүстік-батысындағы сауда және ойын-сауық орталықтарының бірінде мигранттар арасында төбелес болғаны анықталды. Оқиға 10 желтоқсанда болған, деп хабарлайды Kazinform Мәскеу қаласы МТБ ТК баспасөз қызметіне сілтеме жасап.
Жанжал кезінде Өзбекстан азаматы пышақпен серігінің ішін жаралаған.
Зардап шегуші ауруханаға жеткізіліп, емделіп жатыр.
Қылмыс жасады деген күдікті азамат қамауға алынды. Осы жағдайға байланысты қылмыстық іс қозғалды.
