Майқайыңдағы балаларды зорлау дерегі бойынша полиция қылмыстық іс қозғап, тергеу басталды
ПАВЛОДАР. KAZINFORM — Павлодар полициясы кәмелетке толмағандарды зорлау фактісі бойынша қылмыстық іс қозғады. Күдіктілер ұсталып, уақытша ұстау орнына қамалды.
Бұл туралы Павлодар облысы полиция департаментінің баспасөз қызметінен хабарлады.
— Полиция кәмелетке толмағандарды зорлау фактісі бойынша қылмыстық іс қозғады. Күдіктілер ұсталып, уақытша ұстау орнына қамалды. Сондай-ақ, кәмелетке толмаған адамға қатысты жыныстық сипаттағы зорлық-зомбылық әрекеттері дерегі бойынша тергеу басталды. Оқиғаның мән-жайы мен себептері анықталып жатыр. Тергеу Павлодар облысы Полиция департаменті басшылығының ерекше бақылауында, — деп мәлімдеді баспасөз қызметінен.
Облыстық білім беру басқармасының дерегінше, қыз бала жергілікті колледждердің бірінде оқиды.
Еске сала кетейік, Баянауылда ағасы мен қарындасы жыныстық зорлыққа ұшыраған.
