Мажарстан халықаралық қылмыстық сот құрамынан шыққанын ресми түрде жариялады
АСТАНА. KAZINFORM – Шешім Израиль премьер-министрі Биньямин Нетаньяхудың Мажарстан астанасына сапары аясында қабылданды.
Халықаралық қылмыстық сот құрамынан шығу туралы шешімді премьер-министр кеңсесінің басшысы Гергей Гуляш хабарлады. Шешім Израиль премьер-министрі Биньямин Нетаньяхудың Будапешт қаласына сапары басталған күні оған Газа секторында әскери қылмыс жасады деген айыппен қамауға алуға ордер берілгені ескеріліп жарияланды.
Мажарстан әлі де ХҚС мүшесі болғандықтан ол Израиль көшбасшысын елге кірген кезде ұстауға ресми түрде міндетті. Алайда Виктор Орбан Нетаньяхуға Мажарстанда ешқандай қауіп төніп тұрған жоқ деп, алдын ала сендірді. Мажарстан сондай-ақ ЕО аясында атысты тоқтату және Газадағы бейбіт тұрғындарды қорғау туралы бірлескен мәлімдемелерге бірнеше рет тосқауыл қойды.
- Үкімет тоқтату процедурасын конституциялық және халықаралық-құқықтық базаға сәйкес бейсенбі күні бастайды, - деді Г.Гуляш.
Бұған дейін Биньямин Нетаньяху халықаралық қылмыстық сот ордеріне қарамастан Будапештке келгенін жазған болатынбыз. Бейсенбі күні таңертең оның Орбанмен кездесуі жоспарланған.
В.Орбан Нетаньяхуды 2024 жылдың қарашасында ХҚС оны қамауға алу ордері шыққан кезде Мажарстанға шақырып, бұл шешімнің оның елінде күшке ие болмайтынын айтты.
