Мажарстанның премьер-министрі Димаш туралы пост жазды
БУДАПЕШТ. KAZINFORM - Мажарстанның Премьер-Министрі Виктор Орбан Instagram парақшасында Қазақстан Президенті Қасым-Жомарт Тоқаев және әлемге әйгілі әнші Димаш Құдайбергенмен бірге түскен фотосуретін жариялады.
«Қазақстандық әлем жұлдызы Будапештте», - деп жазды Виктор Орбан әлеуметтік желіде.
Ақорда Қасым-Жомарт Тоқаев Мажарстан Премьер-министрінің салтанатты қабылдауына қатысқанын хабарлап, кештен түсірілген түрлі фото жариялады. Олардың арасында қазақтың мақтанышы Димаш Құйдайберген де бар.
Бұған дейін Димаш Құдайберген өзінің Будапештке бет алғанын хабарлаған болатын.
Еске салсақ, ҚР Президенті Мажарстанға мемлекеттік сапармен барды. Сапар аясында Қасым-Жомарт Тоқаев Будапештте Виктор Орбанмен келіссөз жүргізді.
Қазақстан мен Мажарстан ортақ бастамаларды жүзеге асыруды көздейтін Бірлескен мәлімдеме қабылдады.
Қасым-Жомарт Тоқаев пен Виктор Орбан БАҚ өкілдері үшін брифинг өткізді.
Мемлекет басшысы Халықаралық дзюдо федерациясының (IJF) президенті Мариус Визермен кездесті.
Қазақстан Президенті Мажарстан Премьер-министрінің салтанатты қабылдауына қатысты.
