Мәжіліс Бюджет кодексіне Сенат енгізген түзетулермен келісті

АСТАНА. KAZINFORM – Бүгін Мәжілістің жалпы отырысында палата депутаттары Бюджет кодексіне Сенат енгізген түзетулермен келісті.

- Бюджет кодексі және оған іліспе заң жобасы Парламент Мәжілісіне 2023 жылғы 22 қыркүйекте енгізілген. Бұл құжаттар Мемлекет басшысының Жолдауын іске асыру аясында әзірленді. 2024 жылдың 13 желтоқсанында Бюджет кодексі мен іслеспе заңды Мәжіліс Сенатқа жолдады. Биыл 6 ақпанда аталған құжаттар Мәжіліске қайтарылды. Сенат 92 түзету енгізді, оның 70-і Бюджет кодексіне, ал 22-сі ілеспе құжатта. Түзетулер арасында 55-і редакциялық нақтылау сипатында, 36-сы Қазақстанның жекелеген заңнамалық актілеріне сәйкес келтіруге бағытталған, - деді Мәжіліс депутаты Татьяна Савельева.

Оның айтуынша, Сенат ұсынылған түзетулер Парламент Мәжілісі қабылдаған заңның тұжырымдамасын өзгертпейді.

- Осыған байланысты Мәжілістің Қаржы және бюджет комитеті Сенаттың Бюжет кодексі мен ілеспе заңның жекелеген баптарына толықтырулармен келісуді ұсынады, - деді депутат.

Жалпы отырыс кезінде палата депутаттары бұл ұсынысқа қолдау білдірді.

Еске салсақ, биыл ақпан айының басында Сенат жаңа бюджет кодексі бойынша құжатты Мәжіліске қайтарды.