Мәжіліс ЕАЭО мен Иранның сауда-экономикалық ынтымақтастығына қатысты құжатты қарайды
АСТАНА. KAZINFORM – Парламент Мәжілісінің қарауына «Бір тараптан Еуразиялық экономикалық одақ пен оған мүше мемлекеттер және екінші тараптан Иран Ислам Республикасы арасындағы еркін сауда туралы келісімді ратификациялау туралы» заң жобасы келіп түсті.
«2023 жылғы 25 желтоқсанда Санкт-Петерборда аталған келісім бекітілді. Құжаттың мақсаты – сауда-экономикалық ынтымақтастықты кеңейту, сондай-ақ тауарларды серіктес елдердің нарығына шығару және ЕАЭО елдеріне инвестиция тартуға қолайлы жағдай жасау. Бұл тұрғыда Мәжілістің Экономикалық реформа және өңірлік даму комитеті осы заң жобасын қорытынды әзірлеуге дайын», - деді Мәжіліс депутаты Нұртай Сабильянов палатаның жалпы отырысында.
Бұдан бұрын хабарланғандай, ҚР Парламенті Мәжілісінің қарауына «Қазақстан Республикасының Үкіметі мен Біріккен Араб Әмірліктерінің Үкіметі арасындағы жел электр станциясы жобасын іске асыру туралы келісімді ратификациялау туралы» заң жобасы келіп түсті.
