Мемлекет басшысы ШЫҰ бас хатшысы Нұрлан Ермекбаевты қабылдады

АСТАНА. KAZINFORM –  Кездесуде ШЫҰ аясындағы ықпалдастықты одан әрі дамыту перспективасы талқыланды. Бұл туралы Ақорданың баспасөз қызметі хабарлады.

Қасым-Жомарт Тоқаевтың айтуынша, Қазақстан Шанхай ынтымақтастық ұйымының тиімді әрі теңгерімді халықаралық ұйым ретіндегі рөлін нығайтуға баса мән береді. Бұл қазіргі әлемдік саясаттағы сын-қатерлерге жедел үн қатуға ықпал етеді.

Президент Қытайдың ШЫҰ-ға төрағалығын жоғары бағалап, Ұйым тетіктерін жетілдіруге қолдау көрсететінін айтты. Бұдан бөлек, Қазақстанның Ұйым аясында ұсынған басты бастамаларын іске асыру жолдары қаралды.

Айта кетейік, Қазақстан Қорғаныс министрі ШЫҰ кеңесіне қатысты.