Мемлекет басшылары деңгейіндегі ЕурАзЭҚ Мемлекетаралық кеңесінің 28-ші мәжілісі желтоқсанда Мәскеуде өтеді

СТАНА. Шілденің 5-і. ҚазАқпарат /Ернұр Ақанбай/ - Мемлекет басшылары деңгейіндегі Еуразиялық экономикалық қоғамдастық Мемлекетаралық кеңесінің кезекті 28-ші мәжілісі 2010 жылғы желтоқсан айының екінші жартысында Мәскеуде өтетін болады. Бұл туралы бүгін Астанада өткен ЕурАзЭҚ Мемлекетаралық кеңесінің 27-ші мәжілісінен кейінгі БАҚ өкілдеріне арналған мәлімдемеде Қазақстан Президенті Нұрсұлтан Назарбаев айтты.

«Мен бүгінгі мәжілістің қорытындысына қанағаттанамын. Біздер елдеріміз арасындағы көпжақты ынтымақтастықты күшейтуге бағытталған мақсатты әрі салмақталған саясатты жалғастыруға ниеттімін», - деді Н. Назарбаев.

Елбасы ЕурАзЭҚ құрылған 10 жылдың ішінде қол жеткізілген нәтижелер осы өңірдің дамуының зор әлеуеті барын айғақтайды. «Мен интеграциялық үдерістерді тереңдетудің жақтаушысымын. Бұл орайда ЕурАзЭҚ ТМД-ның өзге де мемлекеттеріне үлгі болады деп ойлаймын. Біз ТМД-мен шектеліп қалмай, ЕурАзЭҚ барлық қатысушылар үшін пайдалы екенін көрсеткіміз келеді», деді Мемлекет басшысы.