Мемлекет басшысы көрнекті ғалым Мырзатай Жолдасбековпен кездесті

АСТАНА. ҚазАқпарат - Қазақстан Президенті мемлекет және қоғам қайраткері, көрнекті ғалым Мырзатай Жолдасбековпен кездесті, деп хабарлайды ҚазАқпарат Ақорданың баспасөз қызметіне сілтеме жасап.

Кездесу барысында «Рухани жаңғыру» бағдарламасын іске асырудың өзекті мәселелері талқыланды.

М. Жолдасбеков Мемлекет басшысының «Ұлы даланың жеті қыры» атты бағдарламалық мақаласында көрсетілген басты бағыттарды жүзеге асыру барысында атқарылып жатқан жұмыстар жөнінде айтты.