Мемлекет басшысы Н. Назарбаев Лондонда XXX жазғы Олимпиада ойындарының ресми ашылу салтанатына қатысуда

ЛОНДОН. 28 шілде. ҚазАқпарат - Осы сәттерде Елбасы Нұрсұлтан Назарбаев Лондонда XXX жазғы Олимпиадалық ойындардың ресми ашылу салтанатына қатысуда.

Бұл туралы ҚазАқпарат тілшісі хабарлады.

Лондон Олимпиадасында Қазақстан намысын спорттың 25 түрінен 116 спортшы қорғайтын болады.

Лондонда XXX жазғы Олимпиадалық ойындар 27 шілде мен 12 тамыз аралығында өтеді. Алдағы үш апта бойына 204 елден келген 10 мыңнан астам спортшы бір мың олимпиадалық медаль үшін сайысқа түсетін болады.