Мемлекеттік қызмет істері министрлігі қызметкерлерінің 25 пайызы ағылшын тілінде еркін сөйлейді - Т. Донақов
«Министрлік үкіметтің ең шағын құрылымдарының бірі болып табылады. Министрліктің кадрлық құрамы білікті мамандардан құралған, Орталық аппарат қызметкерлерінің 12 пайызы АҚШ-та және Батыс Еуропада білім алған «Болашақ» бағдарламасының түлектері. Үшеуі министрлік департаменттерінің директорлары. Қызметкерлердің 25 пайызы ағылшын тілінде еркін сөйлейді», - деді Донақов.
Сонымен қатар, министр ведомство жұмысында басымдық мемлекеттік қызметтің жаңа моделін іске асыру, сыбайлас жемқорлықтың пайда болуының алдын алу, сондай-ақ мемлекет көрсететін қызметтердің сапасы мен оны бақылауға берілетінін атап өтті.
Сөйлеген сөзінде Т. Донақов ведомство қызметінің негізгі бағыттары бойынша жасалған жұмыстар жайлы, елдегі мемлекеттік қызметтің жай-күйі, мемлекеттік қызметті жетілдіруге бағытталған, меритократия қағидаттарына негізделген мансаптық үлгіге көшу үшін шараларды іске асыру барысы және оны іске асыру нәтижелері туралы айтты.