Мен сотқа жүгінбеймін - Витас
«Қадірлі достар! Ресми түрде мынаны айтқым келеді: Соңғы 4 күн ішінде әлеуметтік желілерде маған қатысты жағымсыз сөздер көп айтылды. Осыған байланысты мен әрбір шығармашылық адамына және кез келген шығармашылық ізденіске құрметпен қарайтынымды айтқым келеді. Өз басым осыған дейін басқа бір өнер адамының шығармашылық өміріне араласуға, оның шығармашылығына талдау жасап, талқылауға, сол үшін сот органдарына жүгінуге барамын деп ойламаппын. Және ешқашан олай істемеймін», - деп жазды Витас Facebook-тағы парақшасында .
Заң тұрғысынан алғандағы қайшылықтарға тоқталатын болсақ, әр әртістің басында кездесетін даулы мәселелер - ол продюсер мен компанияның құзіретіне жататын іс, деп атап өтті әнші.
«Әрқашан да танымал туындыларға қатысты даулар мен таластар болып тұрады - бұл солай болатын нәрсе, алайда ол ешқашан жағымсыз пікірлер мен жеке басқа тиісушілікке апарып соқтырмауы тиіс. Мен бәріңізді сабырға және маған лайк басуға шақырамын», - деп жазды Витас.