Мені өз ұлтымыздың жастарының туған тілінде сөйлемейтіні таңғалдырады - Әкім Тарази
«Біздің ана тіліміз өте бай, онда 146 мыңға жуық сөз бар. Ана тілімізді меңгеру - бұл туған халқың мен туған жеріңнің үндестігін сезіну, өз ұлтыңның рухани дамыған өкілі болу, - деді Ә. Тарази. - Мен қазақ тілінің дамуын жақтаймын және мені өз ұлтымыздың жастарының туған тілінде сөйлемейтіні таңғалдырады. Мені дұрыс түсініңіздер - мен біреуді үйреткім келмейді. Менің байқауымша, тіліміздің мәртебесін арттыру үшін мемлекет тарапынан жасалып жатқан орасан күш текке кетіп жатыр. Тіл бір-бірімен түсінісу үшін де, менің романдарымды оқу үшін де қажет емес».
Естеріңізге сала кетейік, кеше Таразда танымал қазақстандық әдебиетші Әкім Таразидің 80 жылдық мерейтойы атап өтілген болатын.
1933 жылы 9 қыркүйекте Алматы қаласында туған. Еңбек жолын Жамбыл облысы Луговой ауданы Ынтымақ ауылында бастауыш мектеп мұғалімі болып бастаған. 1957 жылы Абай атындағы Алматы педагогикалық институтының филология факультетін, 1962 жылы Мәскеудегі жоғары сценарий курстарын бітірген. «Ара» («Шмель») журналының фельетоншысы болған, «Қазақстан пионері» газетінің жауапты хатшысы, Қазақстан кинематографистері Одағының хатшысы болған.
Әкім Таразидің қаламынан «Пистолет» (1959), «Комета» (1965), «Үлкен ауыл» (1968) повестері шыққан. Жазушының сценариі бойынша «Следы уходят за горизонт», «Звучи, там-там», «Қараш-Қараш» фильмдері қойылған. Таразидің бірқатар кітаптары орыс, қытай, ағылшын, венгер және фин тілдеріне аударылған. «Құрмет» орденімен марапатталған.