Мереке Көшекбаев - «Оңтүстік» өңірлік қолбасшылығы әскерлерінің қолбасшысы

НҰР-СҰЛТАН. ҚазАқпарат - Қорғаныс ведомствосында Мемлекет басшысының жарлығымен бірқатар кадрлық өзгеріс болды, деп хабарлайды ҚазАқпарат Ақордаға сілтеме жасап.

Мереке Мәтімұлы Көшекбаев «Оңтүстік» өңірлік қолбасшылығы әскерлерінің қолбасшысы болып тағайындалды, ол Қазақстан Республикасы Қарулы Күштерінің Құрлық әскерлері Десанттық-шабуылдау әскерлерінің қолбасшысы қызметінен босатылды;

Алмаз Дженишевич Джумакеев Қазақстан Республикасы Қарулы Күштерінің Құрлық әскерлері Десанттық-шабуылдау әскерлерінің қолбасшысы лауазымына тағайындалды.

Сондай-ақ, Мемлекет басшысының өкімімен Қайдар Сәмиғоллаұлы Қарақұлов «Оңтүстік» өңірлік қолбасшылығы әскерлерінің қолбасшысы лауазымынан босатылды.