Мереке күндері Алматыда 500 рет жол ережесі бұзылған
АЛМАТЫ. КазАқпарат - Алматыда үш күн ішінде 500 рет жол қозғалысы ережесі бұзылғаны анықталды, деп хабарлайды «ҚазАқпарат» ХАА тілшісі қалалық ІІД жергілікті полиция қызметіне сілтеме жасай отырып.
Мереке күндері Алматының жол-патрульдік полициясы Абай, Райымбек, Төле би даңғылдары және Желтоқсан, сондай-ақ Наурызбай батыр көшелері бойынша тек қоғамдық көліктердің қозғалысына арналған белгіленген жолақтарда жергілікті жұмыстар жүргізді. Аталған көшелерге күнделікті жол-патрульдік полициясының жасақтары қойылады.
«2017 жылы нарыздың 6-8 күндері арнайы жолақтарда 500 ҚР ЖҚЕ бұзылғаны анықталды. Оның ішінде, 64 жүргізуші көлік тұрағы ережесін бұзған, 252-і «аялдауға тыйым салынған» 3.27 жол белгісі талабын ескермеген болса, 184-і «кіруге тыйым салынған» 3.1 жол белгісі талабын бұзған», - деп хабарлайды қалалық ІІД жергілікті полиция қызметі.
Естеріңізге сала кетейік, мереке күндері Алматының жол-патрульдік полициясы жолдарда, қоғамдық орындарда және көшелерде құқықтық тәртіпті орнату, сондай-ақ жол қозғалысы ережесін өрескел бұзғандарды анықтау бойынша шараларды күшейтті. Осы мақсатта Алматы полициясының жеке құрамы қызметінің атқарылуы күшейтілген тәртіпке көшті.
