Милад Карими әлем кубогының кезеңінде екінші финалға жолдама алды

АСТАНА. KAZINFORM - Қазақстандық гимнаст Милад Карими Бакуде (Әзербайжан) өтіп жатқан әлем кубогының кезеңінде екінші финалға жолдама алды. Бұл туралы Ұлттық олимпиадалық комитет хабарлады.

Спортшы кермедегі жаттығуда іріктеу кезеңінен сәтті өтті. Милад 14,166 ұпай жинап, бірінші орынмен финалға шықты. Дәл осы бағдарлама бойынша Ілияс Әзізов 12,100 ұпаймен тоғызыншы орын алды, бірақ финалға өте алмады.

Айта кетейік, бұған дейін Карими еркін жаттығуда да бірінші орынмен финалға өткен еді. Ал Ілияс Әзізов пен Дмитрий Потанин қоссырықта жүлде үшін таласады. Зейнолла Ыдырысов ат снарядындағы жаттығуда финалға өткен спортшылардың қатарына енді.

Бұған дейін  Абиба Әбужақынова әлемдік Гран-при жарысының чемпионы атанғанын жазған болатынбыз.