Миллиардер Гонконгтағы ғимаратының бір бөлігін рекордтық 5,2 млрд долларға сатты

АСТАНА. ҚазАқпарат - Миллиардер Ли Кашингке тиесілі CK Asset Holdings Ltd компаниясы Гонконгтегі C.H.M.T. фирмасындағы The Center зәулім ғимаратының 75% бөлігін сату туралы келісімге қол қойды. 

40,2 млрд гонконг долларына (5,2 млрд $) бағаланған Peaceful Development Asia Property кеңселік жылжымайтын мүлік саудасы бағасында рекорд жаңартты.

CK Asset-тің келісімнен түскен пайдасы 14,5 млрд гонконг долларын құрайды, деп жазды Bloomberg агенттігі.

73 қабаттан тұратын ғимарат Гонконгтың орталық ауданында орналасқан және қала бойынша ең биік ғимараттардың бесіншісі. Оның үстіне кеңселік жылжымайтын мүлікті жалға беру бойынша бұл қала әлем бойынша бірінші орында тұр.