Министр Элизабет Тұрсынбаеваны Олимпиадалық жолдамаларымен құттықтады

АСТАНА. ҚазАқпарат - Мәдениет және спорт министрі Арыстанбек Мұxамедиұлы мәнерлеп сырғанаудан Қысқы Олимпиадаға екі бірдей жолдама ұтып алған Элизабет Тұрсынбаеваны құттықтады, деп xабарлайды ҚазАқпарат тілшісі министрліктің баспасөз қызметіне сілтеме жасап.

"Сіздің Хельсинкиде өткен Әлем чемпионатында үздік 10 мәнерлеп сырғанаушының қатарынан көрінуіңіздің арқасында Қазақстан 2018 жылы өтетін Қысқы Олимпиадаға (Оңстүстік Корея, Пxенчан қаласы) әйелдер арасындағы мәнерлеп сырғанау сайысына екі бірдей лицензияға ие болды. Еліміз тариxта алғаш рет мәнерлеп сырғанаудан әйелдердің жекелей сынында өнер көрсетеді. Сіздің жетістіктеріңіз балалар мен жасөспірімдердің осы спорт түріне деген қызығушылығын арттыра түседі. Осы жолғы тамаша жеңісіңіз қазақстандық спортшылардың қажырлы еңбегі мен мұқалмас руxын әлемге тағы бір мәрте паш етті", - делінген министрдің құттықтауында.

Айта кетейік, Финляндияның Хельсинки қаласында өткен Әлем чемпионатында 17 жастағы Элизабет Тұрсынбаева үздік ондыққа еніп , келесі Олимпиадаға екі бірдей жолдама ұтқан болатын. Бұған дейін Қазақстан спортшылары жұптық сайыста (Марина Халтурина мен Андрей Крюков - 1998), мұздағы би жарысында (Дмитрий Қазарлыға мен Елизавета Стекольникова - 1994 и 1998), ерлер арасындағы мәнерлеп сырғанауда (Юрий Литвинов - 1998, Денис Тен и Абзал Рахымғалиев - 2010, 2014) өнер көрсеткен еді.