Министрлік қатерлі ісіктің өршуіне себеп болған басты факторларды атады

АСТАНА. ҚазАқпарат – Редакциямыздың ресми сауалына жауап берген Денсаулық сақтау министрлігі Медициналық көмекті ұйымдастыру департаментінің директоры Азамат Дүйсенов қатерлі ісіктің өршуіне себеп болатын негізгі факторларды атады, деп хабарлайды ҚазАқпарат тілшісі.
None

«Онкологиялық аурулардың даму себебі әртүрлі. Бұл сыртқы факторлар, яғни қоршаған орта, экологиялық, кәсіптік факторлар. Сонымен бірге, ішкі факторлар – жас, тұқым қуалаушылық, созылмалы аурулардың болуы, метаболикалық процестердің бұзылуы, гормоналды бұзылулар, темекі шегу, алкогольді ішімдіктер ішу, зиянды тамақтану, қимыл-қозғалыстың аз болуы. Қатерлі ісіктің кейбір ошағы адам папиллома вирусының немесе гепатиттің салдарынан өршуі мүмкін», - делінген департамент директорының тілші сауалына орай жолдаған жауабында.

Қоса кетсек, Қазақстанда онкологиямен ауыратын 210 мыңнан астам адам есепте тұр.

Кейінгі 2 жылда жастардан қатерлі ісік жиі анықталып жатыр.

Жалпы жыл сайын онокологияға шалдыққан науқастарды емдеуге 36 млрд теңге бөлінеді.


Соңғы жаңалықтар