Мири Паз: Мен Сувановты ұрлауды жоспарлаған жоқпын
Бүгін Алматы аудандық сотында Хамро Сувановтың ісіне қатысты жарыссөз өтті. «Құрметті сот, құрметті прокурор, құрметті сотқа қатысушылар, мен шынымен де Сувановты ұрлаған жоқпын. Мен шынымен оны ұрлауды жоспарлаған жоқпын. Хамро Сувановты ұрлау оқиғасы болмағанына көзім әбден жетті деп есептеймін», - деді Мири Паз.
Өз сөзінде ол жәбірленуші қамауда болған пәтерде не болғанын білмегенін айтты. "Хамро, сіз менің арқамда табыс таптыңыз. Сіздің телефон көтермеген, бұйымдарды алып кеткен, сізді мен ұрлады деп берген жауабыңыз, сатқындығыңыз маған ауыр тиді, - деді Паз.
Алайда мемлекеттік айыптаушы аталған қылмыстық істе Мири Паз басты рөл атқарғанын атап өтті.
Айта кетейік, бүгін Лилия Рахқа мемлекеттік айыптаушы Әлия Қаисова 7 жыл 6 ай жеке мүлкін тәркілей отырып, бас бостандығынан айыруды, «Рах ісі» бойынша сотталушылардың бірі Мир Пазды жеке мүлкін тәркілей отырып, жалпы режімдегі колонияда 8 жыл 6 айға қамауды, Ислам Мисиров пен Бахыт Шалбаевты 8 жылға бас бостандығынан айыруды сұрады. Мемлекеттік айыптаушы соңғы екеуінің де жеке мүлкін тәркілеуді сұрады. Лилия Рахтың авдокаты қорғауындағы азаматшаның уақытша тергеу абақтысында денсаулығы нашарлауына байланысты оны қамауда ұстау туралы сот қаулысын үй қамаққа ауыстыру немесе кепілдік арқылы босату туралы сотқа өтінім берген. Алайда, сот Лилия Рахты уақытша тергеу абақтысында қамауда ұстау мерзімін 2016 жылдың 15 желтоқсанына дейін ұзартты.