Моңғолия импорты 1,1%-ға артты

АСТАНА. KAZINFORM — Осы жылдың алғашқы жеті айында Моңғолия 6 480,8 миллион АҚШ долларына тауарлар мен шикізат импорттаған, деп хабарлайды Монцамэ.

Бұл өткен жылдың сәйкес кезеңімен салыстырғанда 69,6 миллион долларға немесе 1,1%-ға артық.

Импорт көлемінің артуына негізінен мұнай өнімдері, жеңіл және жүк көліктері, механикалық жабдықтар мен олардың қосалқы бөлшектері, сондай-ақ әуе және су көлігіне қатысты электр құрылғылары себеп болған.

Азық-түлік өнімдері бойынша осы кезеңде Моңғолия:

• 73,1 млн дана жұмыртқа,

• 31,7 мың тонна күріш,

• 84,2 мың тонна көкөніс импорттаған.

Сонымен қатар елге:

• 479,6 мың тонна бензин,

• 991,4 мың тонна дизель отыны

• және 14 724 көлік құралы әкелінген.

Импорттың географиясы бойынша:

• 38,1% — Қытай,

• 23,6% — Ресей,

• 12,7% — Жапония,

• 4,3% — Оңтүстік Корея,

• 4,1% — АҚШ,

• 2,5% — Германия үлесінде.

Осы алты елдің үлесіне Моңғолия импортының жалпы көлемінің 85,4%-ы тиесілі.

Бұдан бұрын хабарланғандай, Моңғолия президенті Ухнаагийн Хурэлсух Ұлы Мемлекеттік Хуралдың (Парламенттің) «Алтын–3» ұлттық науқанын іске асыру туралы қаулысының бір бөлігін кері қайтарды.