Моңғолия сирек кездесетін жануарлар мен құстар тізімін жаңартты
АСТАНА. KAZINFORM — Моңғолия 20 жылдық үзілістен кейін Моңғолияда Қызыл тізім жаңарды, деп хабарлайды Монцамэ.
Моңғолияда омыртқалы жануарлардың сирек кездесетін және жойылып кету қаупі бар түрлерін бағалау алғаш рет 20 жылдан астам уақыттан кейін жаңартылып, ұлттық Қызыл тізім ретінде жарияланды.
Құжат сүтқоректілерді, құстарды, балықтарды, бауырымен жорғалаушылар мен амфибияларды қамтиды және биологиялық әртүрлілікті сақтау саласындағы табиғатты қорғау саясатына, стратегиялық жоспарлауға және ғылыми зерттеулерге маңызды ақпараттық негіз бола алады.
Халықаралық табиғатты қорғау одағының (IUCN) Қызыл тізімі – 60 жылдық тарихы бар халықаралық танылған құрал, ол жануарлар мен өсімдіктер түрлерінің жойылу қаупін ғылыми тұрғыда бағалайды. Бұл тізім табиғатты қорғау шараларының басымдықтарын анықтау және ең осал таксондарды қорғауға бағытталған басқарушылық шешімдер әзірлеу үшін қолданылады.
2006–2011 жылдар аралығында Моңғолияда IUCN әдістемесі бойынша 689 омыртқалы түр сипатталды: олардың таралу аумағы, қауіп деңгейлері, негізгі теріс факторлары анықталып, аймақтық сақтау жоспарлары әзірленіп, енгізілді.
Жаңа бағалау 253 түрді қамтыды – балықтар, сүтқоректілер, амфибиялар мен бауырымен жорғалаушылар. Оның өзектілігі бұрынғы жариялаудан 15–20 жыл өтуімен, IUCN Қызыл тізімі критерийлерінің өзгеруімен және популяциялардың саны мен антропогендік әсердің өзгеруімен байланысты.
Жұмыс дүниежүзілік табиғатты қорғау қоры (WWF) қолдауымен, 50-ден астам ғалым, зерттеуші және жоғары оқу орындарының оқытушылары қатысуымен жүзеге асырылды.
Бұдан бұрын Моңғолия жан басына шаққандағы пластик қалдықтары бойынша әлемде көш бастап тұрғанын жазған едік.
